المجتمع الأكبر للعرب في مجال التك

هو انت قطعا حتكتب كود، بس حيبقى معاك مساعد يختصرلك الشغل الي هو الذكاء الاصطناعي و في اوقات كتير حتعدل على شغلة بئيدك بناء على تعقيد و حجم المشروع الي انت بتنفذه، و على اي حال عايز تتعلم بجد و تطلع بأكبر فايدة اعمل كالآتي؛ فكر في فكرة كأنك رائد اعمال جديد عايز يقدم للسوق service يكسب منها، فكرة بجد يعني حتى لو مكرره بس تبقى حاجه فعلا ليها قيمة ملموسة، لو مش قادر تفكر في حاجه خلي الذكاء الاصطناعي يقترح عليك.

لقيت الفكرة خلاص؟ انت من نفسك حتلاقي نفسك اتسحلت كام شهر بتحاول تنفذ الفكرة و تخليها واقع ملموس، دا زمان ممكن كان يبقى صعب بس دلوقتي انت معاك الذكاء الاصطناعي يساعدك، علقت؟ اسئله او دور على النت، على فكرة الاجابات الي على نت في اوقات كتير بتبقى احسن و اوضح من الي الذكاء الاصطناعي بيقوله، طلعلك بج عويصة؟ ادي الكود للذكاء الاصطناعي و هو حيطلعهالك ان شاء الله، و بس كده، مع نهاية المشروع ده انت حتلاقي نفسك اتعلمت حجات كتييير و الحلو ان لو انت شاطر و ربنا رزقك انت ممكن تبيع الكود ده نفسة الي انت حطيت في شهور، فإنت بكده حتبقى استغليت وقتك احسن استغلال.

بس نصيحة عشان تعرف تكمل في المشروع بعد ما تبدأه و متسبوش من الاستسلام و اليأس اسس نفسك كويس في لغة البرمجة و الفريم وورك الي انت ناوي تشتغل بييهم دا حيشييل من قلبك رهبه انت في غنى عنها.

و في الاول و في الآخر انوي خير و استعن بالله و لا تعجز فالفرج مع الصبر و مع العسر يسر و الله المستعان.