المجتمع الأكبر للعرب في مجال التك

أنصحك تجرب SolidJs

مش خده كارير بس جرب تعمل بيه مشروع

عاوز اقولك انا نظرتي لريأكت قلت جدا بعد ما جربت استخدم Solid واكتشفت قد ايه ممكن حاجة تبقى مش مشهورة وأحسن مليون مرة من حاجة مشهورة

طريقة عمل Solid باختصار شديد جدا إن component هتعمله render مرة واحدة بس ومش هيترندر تاني

وأي حاجة هتتغير فيه هي بس اللي هتتغير مش هيتعمل rerender للcomponent بالكامل

ومفيش بقا diffing algorithm ولا فيه virtual DOM ولا أي تعقيد ملوش داعي خالص

والحل بقا انك مش هتواجه أي صعوبة في تعلمه لأنه يشبه ريأكت أوي في النمط العام

يعني بيستخدم JSX components وبيستخدم hooks طريقة التعامل معاها زي طريقة react بالظبط

لكن الفرق الجوهري في طريقة عملها من جوا والمسميات بس

مثلا useState في Solid هتلاقي اللي بتقوم بوظيفتها createSignal

والأحلى من كده إن العملية كلها مرتبة يعني لو حدثت الsignal من أي function وجيت بعدها طبعته هيطبع القيمة الجديدة

على عكس مثلا react اللي هتضطر تستخدم useEffect غالبا علشان تعرف تعمل الoperations بتاعتك أول ما الcomponent يتحدث

ويا سلام بقا لو الواحد مبتدئ خالص فهيعاني جامد أوي عشان يفهم react بيشتغل ازاي ومحتاج خبرة ووقت طويل عشان يبتدي يتعود على طريقة شغله

لكن لو كان Solid هو اللي مستخدم مكنتش هتلاقي الصعوبة دي أبدا

كمان في solid تقدر تعرف hooks خارج الcomponent عادي جدا

فلو عديت المميزات من هنا لبكرة مش هخلص

Solid طريقة تفكير حديثة بتجمع بين الأداء العالي جدا وبين البساطة وسهولة التعلم

أنصحك تلقي نظرة عليه