المجتمع الأكبر للعرب في مجال التك
عشان تحول لكارير زي البرمجة. زي ما انا ذكرت في الفيديو اللي نزلته على اليوتيوب
انت محتاج تحدد ايه هي نقاط القوة و في اي بزنس دومين انت اشتغلت فيها، و تحدد كمان انت عايز تتخذ الموضوع ازاي؟
انت بتقول عايز فرص ريموت:
يعني ممكن تشتغل فريلانس
ممكن تشتغل ريموت فعلا مع شركة
ممكن تشتغل على مشروعك الخاص (من كلامك اعتقد انت مش عايز ده)
لازم تعمل لنفسك خطة على هذا الاساس.
طب ازاي تبدأ؟
هتبدأ زي اي حد بيبدأ في المجال. لازم تعرف الاساسيات بتاعة بناء اي برنامج برمجي.
بعد كدة تدخل فيها معرفتك بالبزنس دومين اللي عندك فيه خبرة (زي ما قولت، الفرص هتيجي على هذا الاساس).
هل هيفيدك كورس سمارت كود؟
اكيد. بل و هيقصر عليك طريق طويل من مصادر كتير على النت ممكن تسببلك حالة من اللغبطة و تضييع الوقت.
هل هياخود منك وقت قليل او كتير؟
الله اعلم. دي حاجة ترجع ليك و للوقت اللي هتديه للمذاكرة، و قدرة استيعابك
نصيحة
و انت بتذاكر برمجة، و دماغك بدأت تشوف الدنيا من منظور "مبرمج/مهندس"، حاول تفكر في حلول لمشاكل واجهتك اصلا في شغلك. و ممكن تتحل بالبرمجة… دي في الاغلب هتكون بداية الخيط، اللي هيقصر عليك المدة في المقابل مع حد معندوش اي خبرة شغل في مجالك القديم
