الموضو اني حرفيا كنت عايز اي حاجة اقدر اتسلي بيها, و character AI فعليا بقا بطئ و ممل واعلاناته كتير فقررت اعمل حاجة زيه بنفسي
لكن بدل شخصيات
انت فعليا بتعمل عالم كامل
و بتحطله قواعد, شخصيات اساسية لو حبيت (ال AI بيعمل شخصيات جديدة كدا كدا)
و اهم حاجة ال world info
و دي الي فيها اللعب كلو
لانك حرفيا تقدر تعمل مثلا عالم زي game of thrones و تحط في ال world info كل معلومات game of thrones 

فايدة ال world info انها بتتحول ل vectors و تتخزن بعد كدا ال AI ممكن يجيب منها context او سياق العالم وسط القصة عادي جدا
كمان عملت نظام memories عشان ال AI يقدر يفتكر الاحداث المهمة
و دا عن طريق API call بتستخرج المعلومات المهمة و تقيمها ولو جابت تقييم معين بتتحول ل vector و تتحفظ برضو لاستغلالها بعدين
كمان في ال messages service خليت انه بيبعت اخر 3 رسايل مع رسالتك الجديدة عشان ال AI يفضل معاه context عشان ميخرجش برا قواعد العالم
اللعبة فعليا اصبحت قابلة للعب ولكني وقفت الشغل عليها مؤقتا بسبب انشغالي بمشروع تاني هبقا انزل عنه بعدين

المشروع دا فعلا كان ممتع جدا و حسيت بكمية انجازات كبيرة وانا بعمله خصوصا اني لسه 19 سنة و قدرت بفضل الله اعمل كدا

التقنيات المستخدمة هي next.js / express.js / prisma/ neon for the postgreSQL Database / groq API

و طبعا auth ب google و jwt