سؤال لبشمهندس مازن او حد بدأ بعد ٤٠

sin432 منذ 4 أيام

0

سلام عليكم

انا حملت التطبيق لكن لانى مش متخصصة الحقيقة حسيت انى مش فاهمة حاجة كلام كله تخصصى و انا لا افقه شئ فى البرمجة . لكنه منظم و جميل و احيكم عايه .

انا ببساطة سنى ٤٠ و عايزة ابدأ و عايزة اضمن انى هشتغل باللى هتعلمه و خاصة برا مصر ممكن بحكم خبرتك فسوق الشغل برا تفيدنى. ضمان الشغل مش أكيد طبعا بس فى اسباب قوية و road map مكن نقول عليها بنسبة كبيرة تضمن شغل خاصة للى عايز يسافر بعد كدا كندا مش بس يشتغل من مكانه .. و السفر مش بغرض المقابل المادى العالى لانه ببساطة معروف اللى بيتاخد برا بيتصرف لكن للى عايز يسافر بشكل عام و كندا تحديدا

2 ردود

• Bashmohandes Mazen (mazencanada)

  منذ 4 أيام

  مبدأ السن مش نقطة عامة..

  محدش فارق معاه سن حد.

  موضوع "ضمان" الشغل برة، ده صعب جدا حد يأكد عليه.

  و لكن اللي ظاهر ان في توجه قوي حاليا في دول الغرب (خاصة امريكا و كندا) لتعيين عمالة ارخص ريموت.

  هل ده معناه ان مفيش فرص هجرة عن طريق الشغل في التك؟

  • والله ده موضوع سياسي بحت. من شوية ترامب طلع غير كل كلامه عن "تقليل الهجرة" ، و عايز يفتحها اكتر للعمالة الرخيصة في مجالات الزراعة بالذات. و كندا فتحت جامد اوي مؤخرا في المجال الطبي.

  الفكرة في مجال التك ان محدش بقى مجبر يجيب حد عنده و يشغله. الشغل بيخلص ريموت عادي

  من الاخر، لو الغرض هو العمل ريموت - و الاستفادة منها بطريقة غير مباشرة في الهجرة - … فايوة طبعا ده وقت كويس (للسبب الرئيسيي اللي اتذكر قبل كدة و هو التكلفة).

  انما لو الغرض هو الهجرة المباشرة. فاللي يبدو ان دلوقتي ربما مش افضل وقت - و لكن ده بيتغير في اي لحظة-

  ايه افضل مجال؟

  كل المجالات كويسة و قريبة من بعض في الفرص

  اختيار المجال بيكون علي اساس :

  ١- انت ميال لايه عشان تعرف تأدي من غير ماتزهق

  ٢- المجالات المنتشرة في المنطقة الجغرافية اللي رايحها

  بالنسبة لكندا و امريكا… كل حاجة حرفيا متوفرة

  1