Cybersecurity
ab252253926 منذ 6 أشهر
شباب انا هبدأ في Cybersecurity وبخش علي اليوتيوب كل واحد بيقول حاجه وكلو بيقول كلام وانا تهت جامد فا لو نصيحه منكم ابدا بي ايه واعمل ايه
المجتمع الأكبر للعرب في مجال التك
2 ردود
اول حاجة لازم الاساسيات قبل ما تبتدي في اي تراك سواء pentest , web security, soc analysis
ايه هي الاساسيات؟
1- linux basics
2- Networking
لlinux برشحلك كتاب linux basics for hackers
للnetworking, منهج الCCNA اكثر من ممتاز وفي دكاترة كتير شارحين المنهج عاليوتيوب زي دكتور محمود عطالله الله يرحمه.
بعدها حتة التوهان دي هتبقا اقل حبتين بس هتبقا لسا موجودة. طب ايه الحل؟ خش في كله عشان تعرف ايه المناسب ليك. يعني كا مثال انا بعد ما خلصت الاساسيات قولت اخش bug bounty عشان دا الfreelance بتاع المجال, كرهت نفسي فيه وضيعت بتاع شهرين من وقتي في دراسة الweb vulnerabilites والweb عمتا. هتكون استفدت مرتين, مرة في انك عرفت basics في مجال زي الweb security ومرة تاني انك عرفت انه المجال دا مش ليك, بعدها هتشيفت على حاجة تاني وهكذا لحد ما تلاقي المجال اللي شايف في نفسك فيه
بالتوفيق.
