بشمهندس مازن، بالبداية حابب أشكر حضرتك كتير على المحتوى القيم واللطيف يلي عم تقدمو على يوتيوب. .المميز فيك انو عم تحكي بمواضيع ما لقيتها بالمحتوى العربي أبداً، وبتمنى منك تستمر لأن كل فيديو منك بيعمل فرق حقيقي بمسيرتنا.
أنا شفت الفيديو يلي بتشرح فيه كيف بنيت ارابيك تك، كان بحدود الساعة إلا ربع من حوالي ٩ شهور، ووقتها انت قلت انو رح نشوف شي مو موجود لا بمحتوى عربي ولا بمحتوى اجنبي، وفعلاً حصل....
من أول كم دقيقة صفنت قلت واااو شو هاد.. هاد الشي مختلف تماما عن اي شي انا شايفو قبل هيك، بالعادة بشوف مشاريع لكن بتكون مشروع عبيط بكورس او انظمة بسيطة جدا ..الخ، اما يلي انت بنيتو هوة سستم متكامل واهم من انو مشروع متكامل هوة "منتج" قابل للاستخدام، والأحلى انو حل لمشكلة انت لقيتها، وأول فيديو الك بقناتك الجديدة بشمهندس مازن قلت فيه انو لازم نبني منتج وليس مشاريع عادية تدريبية، بمعنى انو الشركات وقت تشوف مشروع حقيقي عبارة عن حل لمشكلة موجودة، هون بكون هاد الشي ممتاز وعوة يلي بدورو عليه..

رح اعطيك فكرة عني بشمهندس..انا شخص اخدتها من أولها خالص و تأسست ب C++ كتير منيح مع OOP و Data Structures و Problem Solving، وبنيت منطق محترم وقوي..

بعدها انتقلت ل.NET وتحديداً WinForms وبنيت مشاريع ديسكتوب حلوة بمعمارية 3-Tier Architecture، مع SQL Server و ADO.NET واكيد Git/GitHub.

اخيراً، تعلمت ASP.NET Core Web API مع Entity Framework Core، و RESTful APIs و JWT و Dependency Injection، وكل هي المفاهيم، وفهمت اهم شي فرق معي جدا بطريقة تفكيري وهوة ال Clean Architecture بشكل ممتاز، صرت أعرف قسم السستم لطبقات وكل طبقة ليش وشو بتساوي وشو دورها، ونقلت تفكيري تماماً من مجرد كتابة كود متل كل يلي حواليي لتفكير System Design وفهم متطلبات المعمارية وكيف بتنبنى الانظمة.
جانب الفرونت إند تعلمت HTML و CSS وحاليا عم اتعلم JS، وبعدها رح اختار شي فريمورك او مكتبة Angular أو React مع TypeScript

المهم، لما شفتك بنيت ارابيك تك قلت بنفسي  ويني عن هيك فيديو من زماان، شغل محترم جدا جدا، منصة الناس بيستخدموها، بتحل مشكلة، فيها كذا قسم وكذا سيرفس، مشروع تقيل ومحترم جدا جدا
قلت انا لازم ابني شي بهاد الحجم، لازم اوصل لهاد المستوى، مالازم ابني مشروع بكورس عادي ومكرر عاملينو الف واحد، لا.. أنا راح تفكيري لشي مختلف تماماً، لازم ابني منصة تكون Product حقيقي وتحل مشكلة واقعية بعانو منها يلي حواليي..
من هون تحفزت بلش بمنصتي سوسايتي " Society" يلي بتعالج مشكلة موجودة بالمحيط يلي أنا فيه (بسوريا)، مارح احرق الفكرة اكتر من هيك، عم ابني حالياً الباكند بClean Architecture مع كل شي تعلمته،(.Net Core) وماشي بمبدأ الـ Learning by Doing..

انا اكتشفت انو هوة هاد أصل هندسة البرمجيات حل المشاكل،والبرمجة هية مجرد أداة وليست الغاية، ومستمتع جدااااا وانا عم ابني المنصة وحل مشاكل وخطط للميزات ولل MVP، وصمم النظام انا بالطريقة يلي بدي ياها..

للعلم بشمهندس، انا لساتني يادوبك داخل سنة تانية كلية هندسة معلوماتية (هندسة البرمجيات) بسوريا، بس شغال على حالي جداا.. وقريبا ان شاء الله رح اطلع معك بفيديو وتشوف مشروعي الويب ابلكيشن SPA وتقيمو متل ما عم تقيم هلق مشروعك انت بآخر فيديوهاتك، محتواك الهمني بشكل لا يوصف..

(بالمناسبة الفيديوهات تبعك عالمية من كل النواحي.. جودة، تصوير، معلومات.. لدرجة انو ما حسيت بالوقت والحمد لله وصلت لمستوى اقدر قول انو فهمان كل كلمة بتقولها انت)

اخيرا يهندسة، عندي استفسارات بسيطة ياريت تجاوبني عليها، انا بالباكند ASP.Net Core Web API، وبالفرونت اند تعلمت HTML,CSS لحد الان، وعم اتعلم جافاسكربت، الأسئلة:

١- اتعلم الجافاسكربت على Node.js؟ ولا فانيلا جافاسكربت يلي بتنكتب بالHTML؟ سمعت رأيين مختلفين بهذا الخصوص.

٢-  اختار رياكت ولا انجولار؟ شفت الك فيديو شورت بتجاوب على هذا السؤال، وقت انو انجولار استخدامها اكتر من السينيورز ومن السستمز الي هية حكومية شوية او هيك، اما رياكت ينفع كمبتدىء بلش فيها وابني فيها كل انواع التطبيقات، فهل هاد بيعني اختار رياكت؟

٣- لو اخترت رياكت، ادخل بNext.js مباشرة ولا لازم اول الشي اتعلم رياكت بعدها اطلع على Next؟

٤- ما رأيك بكل الي قرأته فوق، من كل النواحي؟ (كطالب سنة ثانية هندسة)

و اذا عندك نصيحة او اي شي حابب تحكيه بتمنى تتكرم وترد عليي، ولو رديت ياريت الرد يكون طويل لانو كل كلمة منك بتفرق معي فعلا وممكن تغيرني للأفضل..
بشوفك على خير يهندسة❤️