كل مرة اتنقل بين بروجكتات كتير بحس اني بسيب الكونتكست في واحد واروح للتاني ارجع بعد اسبوع او شهر واقعد افكر هو دا Node ولا Go كان Docker داخل في الموضوع ولا لا البروجكت دا ليه Nix فيه حاجة شغالة اصلا ولا كله واقف وانا كنت واقف على انهي branch

المشكلة مش اني ناسي الكوماندات المشكلة ان حالة البروجكت نفسها بتضيع واحتمال تشغل نفس الكوماند ب flags مختلفة وتبوظ الدنيا

عملت Aigis عشان لما افتح اي بروجكت اشوف حالته بسرعة

الستاك المستخدم، وضع الجيت، ايه شغال دلوقتي وايه محتاج يتشغل وبريفيو لل README وحاجات كتير بتبقى default اول ما تسجل البروجكت بال cli وتقدر تعدل عليها بعدين بدل ما الف بين

git status

docker ps

lsof

README

والايديتور

افتح تول واحدة في التيرمنال وتديني صورة واضحة

البروجكت دا ايه حالته ايه واكمل شغل منين.

ولو عايز ابدا بروجكت جديد مش ادور كل مرة على الكوماند الصح لا مجرد اختار الستاك، اسمي البروجكت والتول تشغل التمبلت المناسب

ولو محتاج افتح البروجكت يتفتح في الايديتور اللي انا محدده او يديلي خيارات انا اللي محددها واختار منها بسهوله

ولو lazygit او lazydocker موجودين يتشافوا ويُستخدَمو على طول

Aigis مش بيبني بروجكتات ومش بديل لاي tool هو بس بينظم ويلم اللي موجود فعلا ومعاها شوية حاجات تريح الدماغ من عمايل ايدي ويخليك ترجع تشتغل من غير ما تعيد التفكير من الاول

ال Tech stack (اختياره جه بعد عناء):

• اللغة Go.

• مكتبة الكوماند لاين Cobra.

• مكتبة واجهة التيرمنال Bubbltea

• مكتبه الستايلات lipgloss

  باقي الdeps هكتبها لاحقا عشان ماطولش😄

بس سؤال بقا 😂

هل المشكلة دي حقيقية عندكم ولا انا مكبرها

وهل فكرة التول دي مفيدة فعلا ولا انا بحل مشكلة خاصة بيا وبس

وعموماً البروجكت لسا local وتحت التطوير لو عندكم اقتراحات او use cases تانية يمكن أضيفها او تلهمني حابب اسمعها