انا شغال في الـ GIS Development بقالي فتره وبحكم شغلي احتكيت مؤخرا مع عدة فرق في شركات مختلفه متعرفش يعني ايه GIS وبيبقي صميم الابلكيشن اللي شغالين عليه كله spatial و بيتعاملوا مع الداتا بتاعه ال gis بشكل بدائي كأنها tabular data عادية، اخر حاجه كان فريق كبير دخلت معاهم كلهم شاطرين جدا وسمعت منهم في الاول بيعملوا ايه والتحديات اللي بتقابلهم بقالها فتره. كلها كانت حاجات سهله تتحل لو التيم كان فيه حد عنده ال knowledge دي.

واحنا في الميتنج كان فيه كويري بتاخد حوالي عشرين دقيقة وانا كنت مصدوم من الوقت وكان بالنسبالهم مقبول انا قولتلهم الكويري دي المفروض متاخدش اكتر من ٣ ثواني!! وفعلا وريتلهم وقلبتها spatial query. الفكره ان بس انت لو عندك awareness for spatial Data وازاي تتعامل معاها هتفتحلك افاق مكنتش تحلم بيها.

انا شايف ان فيه gaps كتير في الماركيت مش بس مصر دا كل المنطقه في استخدام ال gis.

لو حد عنده افكار او اسأله او لو حد مهتم اتكلم في الموضوع الركائز الأساسية يعلق ♥️