الموضوع ده مهم جداً، ولو ركزت فيه هيفرق معاك جامد!

تعالى نقول إن المشكلة دي ظهرت قدامك:

الproduct manager بيشتكي ان صفحة البروفايل بطيئة و انت عارف ان السبب ان في اكتر من query معقدة بتجمع بيانات اليوزر من اكتر من table و مهما طلبت تكبر السيرفر… مش هتحل حاجة!

أمال الحل في إيه؟

الحل هيبقى في الكاش.

بس عشان تعمل كاش... محتاج وقت و مجهود من فريق المبرمجين.

هتشرح اصلا مبدأ الكاش ازاي لو هو قالك يعني ايه كاش؟ و ليه منسحبش من الداتابيز على طول؟

سهل جداً لو أنت شاطر تقنياً تشرح المشكلة لحد فاهم أنت بتقول إيه.

وهيستوعبها وهيصدقك.

لكن لو استخدمت كلام تقني مع حد غير تقني...

في الغالب مش هيفهم منها حاجة!

وممكن ما يصدقكش أصلاً!

و في أحسن الظروف مش هيعرف يقنع المسؤولين عن البادجت أو الميزانية...

ودول أهم ناس أصلاً أنت المفروض تتكلم معاهم في الشركة كلها...

الكلام ده على فكرة مش في الشركات وفرق العمل بس ...

الكلام ده كمان ممكن في الفريلانس....

لو ما عرفتش تقنع الكلاينت بتاعك - اللي هو مش تقني - بالكلام التقني بطريقة سهلة ... ممكن تخسر الشغلانة كلها.

مهارة تحويل الكلام التقني لكلام غير تقني بسيط ... مهارة مهمة جداً إنك تتعلمها. ودي طبعاً بتيجي مع الخبرة... بس لازم تكون عاوز تعمل كده.

المجتمع الأكبر للعرب في مجال التك

0 ردود