انا حاليا كنت شغال على موقع FullStack-ECommerce و جربت اعمله لوحدى و استخدم اساسيات حل المشاكل فى بناء ميزة سهلة لدرجة انى عملتها بالذكاء الاصطناعى لكن انا مش عايز انفذها بالسهولة دى مش ده هدفى اصلا

انا عايز اخطط للخاصية دى كإنها مجهولة عشان ابدأ احلل و انفذ صح و ابطل اعتماد على الذكاء الاصطناعى فى التفكير و التحليل لإن هو ده الإجابة على السؤال و هنا بدأت افكر و احدد الأهداف و المكونات و اكسر المكونات و اعمل علاقات بينهم و الهدف هو انشاء حساب مستخدم و المكونات frontend , backend , database و العلاقات طبعا واضحة و عقبال علاقاتنا جميعا

و بدأت اكسر المكونات دى الفرونت اند قولت صفحة تسجيل المستخدم هتتكون من نموذج موحد ممكن يكون نموذج مستخدم جديد او تسجيل دخول او تسجيل أدمن جديد يبقى اول مكون عندى الصفحة و قسمتها الى نماذج و كل نموذج فيه حقول ادخال كتير يعني هيتكرر و لازم اعمل حقل ادخال واحد و استعمله كذا مرة و على حسب كل حالة يتوقع داتا معينة و يعمل validation عشان لو واحد كتب كلمة المرور 123 اطلع رسالة تقوله عيب كده و هكذا مع Email و لو فيه رقم تلفون و هكذا و هكذا و بكده خلصنا مكون الفرونت اند و قبل ما نروح فى حتة تانية عايز اقول مشكلة لسة بتقابلنى لغاية دلوقتى و هى انى مش قادر افهم ازاى احول الرسم التوضيحي البسيط مهما كان واضح الى كود او حتى سودو كود مش عارف و مقصدش الكود فى حد ذاته انا عادى لو نزلت مكتبة جديدة دلوقتى بإذن الله هقدر استعملها ايا كانت وظيفة المكتبة دى لكن المشكلة عندى هى تحويل التخطيط الى تخطيط بالكود يعني structure الكود و عندى احساس ان ده هيتحل لما احل مسائل problem solving و يريت تشاركونى رأيكم عشان نفكر مع بعض و نحاول نلاقى حل للمشكلة و مع ان الموضوع يبان سهل و بسيط لكن صدقنى جرب و انت تفهم قصدى https://github.com/mahmoudafifi2024/FullStack-ECommerce