كيف تقوم بوضع قياس للوقت و المجهود في المشاريع التقنية؟

*مفيد للفريلانس و اللي بيشتغل في شركات*

خود بالك ان "الوقت" هو العملة الاساسية في قياس الكفاءة و التكلفة لأي مشروع تقني…

انا اشتغلت في شركات بتحسب بطرق مختلفة… بطرق مختلفة جدا.. لحد ما اصبح عندي إلمام كامل بالموضوع.

مبدئيا، لحسبة التكلفة لأي مشروع تقني، يجب تقسيم المشروع لمهام مختلفة.. اللي بيتقال عليها “task”

ثانيا، بيتم تقسيم هذه المهام على حسب الموارد المستخدمة. والمقصود بالموارد هنا الموارد البشرية او ال "resources”

وده باعتبار أن المشروع لن يقوم به فرد واحد أو مورد واحد ولكن هيقوم به أكثر من مورد...

ثالثا، لازم يكون في اتفاق على وحدة قياس الوقت المطلوب… هذا معناه أن هذه الوحدة سوف يتم ترجمتها إلى تكلفة مادية بناء على التكلفة لكل مورد لهذه الوحدة. 

مثال: لو المشروع يتطلب مبرمج تكلفته تساوي X في وحدة قياس الوقت Y.. اذا فحساب تكلفة هذا المورد في المشروع ستكون دائما هو حسبة قياس الوقت الذي يتطلبه هذا المورد لتنفيذ عدد المهام مضروبة في X.

ودلوقتي يجي السؤال الأهم … ما هي وحدة قياس الوقت؟

في نوعين لحساب الوقت في اي مشروع:

1- حساب بالوقت بالساعة

٢- حساب الوقت بال sprint (غالبا اسبوع/اسبوعين/شهر)…وده بيكون مجموعة من المهام يتم العمل عليها من خلال الفريق التقني وجميع الموارد به… و ده تحت نظام ادارة مشاريع اسمه ال agile

وبالرغم من النوع التاني المفروض انه بيحسب ان فلان هيقدر يخلص هذه المهمة او عدد من المهمات في خلال السبرينت .. ولكن هذا ضمنيا المفروض أنه يتم ترجمته لعدد الساعات اللي هيقضيها هذا الشخص خلال سبرينت. 

فلو عندك مهمة؛ لنقل ان هي هتاخد المفروض عشرين ساعة عشان تخلص…. الحسبة ستقول ان لو المبرمج يقدر يشتغل 40 ساعة في الاسبوع اذا فهو يقدر يقوم بهذه المهمة ومهمة تانية من نفس الحجم او مهمتين مثلا بنص حجم المهمة الاولى. 

ولكن الشركات أو الفرق اللي مش بتحسب بالساعة بالظبط بيحاولوا يحسبوا بنوع من أنواع الوحدات الصغيرة كالأيام أو النقاط.

وبيكون معروف إن السبرينت بيكون فيها عدد من الأيام أو عدد من النقاط المحدد من قبل.

طبعا في الاخر بنجمع عدد المهام اللي المشروع محتاجها. مضروبة في التكلفة بتاعة كل مورد، مضروب في عدد الساعات أو عدد الأيام، أو أيا كان الوحدة الوقتية المستخدمة.

ومن ده بتعرف تحدد تكلفة المشروع قد ايه... 

الكلام ده ممكن يكون مفيد جدا للناس اللي بتشتغل فريلانس مع نفسها ومش عارفة ازاي تقدر تحدد تكلفة المشروع بتاعها. 

كل اللي عليك انك انت تجيب المشروع الكبير. تقسمه لمهام صغيرة جدا جدا جدا.

أنت عارف ان كل مهمة منهم مش هتاخد منك اكتر من يوم واحد …. باعتبار انك انت بتشتغل عدد ساعات معين في هذا اليوم. وانت تكلفتك من هذا اليوم تساوي المقابل المادي الذي قمت باختياره. و ساعتها تقدر تضرب عدد المهام اليومية في التكلفة اليومية وتقدر تطلع الرقم النهائي اللي انت عايز تاخده في هذا المشروع. 

كيف يتم تحديد سعر ساعتك او يومك؟

بيتم تحديد سعر الساعة بتاعتك او اليوم بتاعك على حسب ايه؟

ده بيكون على حسب حاجات كتير زي الخبرة؛ زي الطريقة اللي انت قمت بيها بتسويق نفسك؛ أو زي حاجات كتير جدا ....

دي انت ممكن تستعين فيها بمراقبتك للسوق وتبقى حاطط ايضا لنفسك سعر، انت راضي عنه 

وده كمان اللي بيحصل في الشركات على فكرة...كل واحد بيحط لنفسه سعر ، بيبيع نفسه للشركة بهذا السعر. مش كل الناس بتاخد نفس المرتبات.