لما تدعي ربنا بالصحة وتلاقي نفسك بتتعب أكتر لما تطلب منه الحكمة وتحس إنك بتاخد أغبى قرارات في حياتك لما تتمنى القوة وتلاقي كل الظروف بتكسرك وبتضعفك

في اللحظة دي بتحس إن إيمانك بيتهز وممكن يوصل للصفر بتحس إن دعواتك مش مسموعة أو بتترد عليك بالعكس تماما

بس لو كملت وصبرت هتفهم هتفهم إن ربنا كان بيستجيب لدعواتك بس بطريقته هو مش بطريقتك انت

انت طلبت القوة فربنا حطك في مواجهة صعوبات تخليك تكتشف قوتك الحقيقية وتنميها

طلبت الحكمة فمررت بمواقف معقدة، وهنا بيحصل الإعجاز الحقيقي عقلك حرفيا وفيزيائيا بيغير تركيبه، الحقيقة العلمية دي اسمها المرونة العصبية (Neuroplasticity)

 لما الصورة القديمة بتتكسر، الوصلات العصبية اللي بتمثلها بتضعف، والمخ بيبدأ يبني مسارات جديدة تماما عشان يجرب حلول وأنماط مختلفة الإحساس بالضياع والغباء اللي بتحسه في الأول ده هو صوت عملية البناء دي، صوت عقلك وهو بيكسر ويبني من جديد عشان يخليك أقوى وأكثر حكمة

ربنا مش بيديك الصفة اللي بتتمناها في إيدك هو بيديك الفرصة والمواقف اللي هتخليك تكتسبها بنفسك ودي استجابة أعظم بكتير