قبل كم سنة، كان المبرمج إذا أتقن الفرونت أو الباك اند لحاله، بتكون أموره تمام. بس اليوم، الوضع تغيّر. صار السوق يطلب مطور يفهم كل الجوانب، يربط الواجهة مع السيرفر، يعرف APIs، ويحكي مع الديزاين، ويفهم العميل.

السبب مش بس تطور المشاريع، لكن كمان الأدوات اللي طلعت، زي Cursor وغيره، صارت تسهّل وتختصر عليك الشغل، وما صار فيه مبرر تظل محصور بجزء واحد.

طيب، هل من ٥ سنين كان لازم تكون تعرف كل شيء؟
بصراحة، الأصل لمهندس البرمجيات إنه يكون فاهم المشروع من أول متطلبات العميل، لحد ما يرفعه عالاستضافة. بس الفرق اليوم هو السرعة في الإنجاز.
أدوات الذكاء الاصطناعي سهّلت الطريق، وصار لازم تكون مرن وتنجز بسرعة.

يعني، التخصص مهم، بس الفهم الشامل هو اللي بيخليك تطلع شغل قوي وتواكب السوق.

شو رأيكم؟ بتشوفوا كمان إنه المهارات المتنوعة صارت ضرورة؟