ايه الفرق بين مبرمج الفرانت اند و الباكند؟

 مبدئيا وقبل كل حاجة لازم تعرف ان في حاجة اسمها لغة برمجة وفي حاجة اسمها لغة مارك اب markup

لغة البرمجة هي اللي بتاخد الداتا وتعمل لها معالجة أو تحفظها عشان تتنقل من مكان لمكان

Processing and storage و دي بتكون imperative يعني شوية خطوات و اوامر متسلسلة للكمبيوتر.

 انما لغة المارك اب هي لا تقوم باي شيء غير اظهار الداتا.

و بتكون declarative يعني بتوصف الداتا و بتوصف عرضها هيكون عاما ازاي..

لغة المارك اب ممكن تكون كمان مسؤلة عن إظهار الداتا بشكل معين وده اللي بيظهر في صورة الستايلنج أو الـ design بتاع الواجهة.

لو الشغل اللي انت بتعمله يتطلب انك انت تتعامل مع الداتا وتقوم باي نوع من انواع المعالجة لها او تقوم بحفظها عشان تتنقل من مكان لمكان، اذا فانت بتقوم بدور المبرمج أما إذا كنت بتظهر الداتا ومش بتحتفظ بها أو مش بتقوم بأي معالجة ليها فانت مش بتقوم بدور المبرمج.

انت تقوم بدور مصمم أو ديزاينر …

 طب هل ده معناه ان الناس اللي بتطلق على نفسها مبرمج فرانت اند هم مصممين؟

 الكلام ده غير صحيح إلا لو في حالة واحدة أنهم مش بيكتبوا أي كود بيعمل معالجة للداتا. إنما لو كانوا بيكتبوا كود بيستقبل الداتا ويعمل لها معالجة، او بيخزنوها و يضعوا قواعد لاسترجاعها…

إذا أصبحوا مبرمجين اذا لما نطلق على حد فرانت اند ديفيلوبر.

 ده مش معناها ان هو مصمم الا لو كان مبيعملش اي معالجة للداتا…

طب اومال ايه الفرق ما بين مبرمج الفرونت اند ومبرمج الباك اند؟

الفرق هو "اين" تتم عملية معالجة الداتا و حفظها..

مبرمج الفرنت اند بيقوم بمعالجة الداتا في "الكلاينت"يعني الداتا ممكن تكون جاياله من داتابيز بس هو مش هيعرضها زي ما هي للمستخدم لازم يقوم بنوع من أنواع المعالجة…

انما مبرمج الباكند بيقوم بالمعالجة على مستوى "السيرفر"…

يعني لازم نكون في البداية خالص موضحين الفرق ما بين الكلاينت والسيرفر…

عشان كده بنقول ان المبرمج اذا كان فرنت اند او باك اند او ايا كان لازم يفهم اساسيات برمجة صح ...

لان الاتنين عمليا ونظريا لازم يقوموا بنفس الدور بس في أماكن مختلفة…

في الكورس بتاعي هتلاقيني بشرح الكلام ده بعمق وهتكتشف انك اول ما تكون خلصت الكورس…

فهمت يعني ايع مبرمج. مش هتطلق على نفسك مبرمج فرنت اند. الا لو اتوضعت في مكان بيخليك تشتغل على مستوى الكلاينت…

ولا هتطلق على نفسك مبرمج باك اند.

الا لو اتوضعت في مكان بيخليك تشتغل على مستوى السيرفر طبعا مع التعمق، ممكن يكون عندك مهارات إضافية على حسب المكان اللي أنت شغال فيه.

يعني كحد شغال على مستوى الكلاينت لازم يفهم التكنولوجيات اللي بتستخدم في الواجهات …

ولكن الأساس واحد … و نفس الكلام للباكند