مشاريعك الشخصية، هي اللي هتطورك جامد جدا في البرمجة…

‏و لكن فيه نقطة مهمة جدا أنت محتاج تهتم بها كثيرا يا صديقي …. مادام شغال على مشروعك الشخصي…

‏و هي الانضباط أو ال discipline

‏الانضباط باختصار في مفهومه العام هو إنك:
‏– تكمل الحاجة اللي بدأت فيها
‏– تخلص الأصعب حتى لو ممل
‏– تفضل فاكر المشكلة و لا تنساها
‏- لا تق في فخ "نرجع نعيد من الأول"

‏شوية نقط تساعدك على الانضباط، عشان مشروعك الشخصي يعلمك بجد و يساعدك تطور… و ممكن جدا هو نفسه يتطور، و أنت تستفيد منه ماديا:

‏١- ال rewrite كل شوية مش أحسن حاجة:

‏- و دي خصوصا لو أنت بتغير كل حاجة لمجرد ان فيه تكنولوچي جديدة نزلت، و سمعت انها احسن من اللي حاليا شغال بيها…

‏ده بيحرمك من انك تحل مشاكل بجد، كانت هتفتح أفقك البرمجي… معظم التكنولوچيات بتقوم بنفس الدور بس بطرق مختلفة…

‏الصعوبة الحقيقية في نوع المشكلة و مستواها… لو فضلت محبوس في المستوى الاول، و لم تدخل المستوى الثاني… لمجرد انك بتعيد في المستوى الاول بطرق أجدد…. اذا انت لا تستفيد.

‏٢- ركز أوي على مبدأ ال Technical Debt:

‏- على النقيد لل rewrite لكل حاجة من الصفر…. فيه مشكلة كبيرة بيقع فيها المبرمجين، و خصوصا المبتدئين…

‏المشكلة هي "التكاسل" في وضع حل "متكامل" من أول مرة.

‏كمثال:

‏أنت بدأت حلك لمشكلة ما، بحل "تجريبي". عشان تتأكد اذا كان تفكيرك سليم، و انك على الطريق الصحيح ولا لا… و ليكن function ما و حطتها جوة class عام جدا

‏و لكن بدل متبذل الوقت المطلوب انك، تحول الحل "التجريبي" لحل متكامل، و هو انك تعمل class مخصص للوظائف الجديدة… انت سبت الفانكشن زي ما هي..

‏ده خلق حاجة اسمها technical debt
‏و هو انك حرفيا بقيت "مديون"… بقيت مديون لنسختك المستقبلية، اللي هتعاني بعد كدة، لما تلاقي ٢٠ فانكشن محطوتين بنفس الطريقة الغير منظمة، و المشروع بتاعك اصبح "جحيم" في التعامل معاه…

‏٣- خلي عندك roadmap واضح و realistic deadlines:

‏- المشكلة إن كتير من المبرمجين بيشتغلوا على مشاريعهم الشخصية من غير خطة واضحة... "هعمل حاجة و نشوف هتوصلني لفين"

‏ده بيخليك تايه، و سهل جداً تفقد الحماس أو تسيب المشروع في النص.

‏اعمل لنفسك milestones صغيرة و قابلة للتحقيق... مثلاً:
‏◦الأسبوع ده: هخلص ال authentication system
‏◦الأسبوع الجاي: هعمل ال basic CRUD operations
‏◦بعده: هضيف ال notifications

‏المهم إن ال deadlines تكون realistic...

‏لا تقل: "هخلص المشروع كله في أسبوع"... ده هيحبطك و يخليك تسيبه.

‏و الأهم: احتفل بإنجازاتك الصغيرة... خلصت feature؟ اعمل commit و اكتب description كويس... ده هيديك إحساس بالتقدم و هيحمسك تكمل.

‏الفكرة إن الانضباط مش بس في إنك "تشتغل"... لكن كمان في إنك تشتغل بذكاء و بخطة واضحة تخليك عارف رايح فين و إيه اللي المفروض تعمله النهاردة.

المجتمع الأكبر للعرب في مجال التك

1 رد