عشان تبني بزنس في عالم التك، انت محتاج كتير اوي 🧵

1. ‏ محتاج تبني واجهة جذابة، و تخلي المستخدم مبسوط. خصوصا مع المنافسة الشديدة في السوق حاليا، مع الواجهات "الجبارة" حرفيا.
2. محتاج اصلا قبل ده، تعمل دراسة عن "مين هيستخدم المنتج بتاعك؟" و على اساس الاجابة، الواجهة لازم تتبني ليهم

3. محتاج تعمل سيستم قوي، و تكون باصص لقودام… انهاردة عندك ١٠ مستخدمين، بكرة هيبقوا ١٠٠، بعد سنة هيبقوا ١٠٠ الف… يا ترى هتقدر تستحمل كل دول، و الخدمة هتفضل على نفس المستوى؟

   ‏شوفت حصل ايه مع نتفلكس في ماتش تايسون؟

4. ده معناه انك لازم تعمل تستنج كتير، عشان تعرف انت فين و اخرك ايه من ناحية السيستم، و هتقدر تكبر السيستم بنسبة قد ايه في وقت قد ايه

5. بس قبل ده او ده، انت لازم تاخود بالك، ان محدش هيجي يستخدم المنتج بتاعك كدة اول مانت تنشره…. ابدا!

   ‏انا محدش يعرفك ولا يعرف منتجك… يعني قبل متحلم بال١٠٠ و ١٠٠٠ مستخدم، هل فكرت هتجبهم ازاي؟

   ‏لازم قبل اي شيئ تكون عارف هتجيب المستخدمين منين

6. انت محتاج كمان تعرف مين المنافس بتاعك، و تقرر اذا كنت ناوي تنزل سوق فيه منافسين كتير، او قليلين، او مفهوش منافسين خالص! (اخر واحد، هو اصعب واحد)
   

فيه حاجات تانية اكتر من دي كمان، و لكن فعلا الموضوع مش سهل

‏و لكنه مجزي