شباب ممكن استفسار
انا بقالي سنتين واقف في مكاني مش عارف ابدأ ازاي واخد خطوة حقيقية مابين اتعلم graphic design او video editing او motion graphics animation او data science و data analytics او programming
حرفيا مشتت ومش عارف اخد اي خطوة حقيقية علي الرغم من اني مجمع كورسات و محتوي كتير في كل مجال بس برضه مش ببدأ
حد عنده فكرة تقدر تساعد
قسم الموضوع لـ 3 اجزاء
جرافيكس
برمجة
ذكاء اصطناعي
فرغ كل مجال فيهم على ورقة او mindmap انت ليه عاوز تتعلمه وايه تحدياتك قصاد كل مجال منهم وهل ليك تجربة مع المجال ولا لا - بالتالي تشوفه مناسب ليك رغم العوائق ولا لا
تعمل دا مع كل مجال , وتبدأ تقارن اجاباتك في كل مجال ببعض وتشوف اي اكتر مجال كتبت فيه اسباب منطقية ومناسبة ليك لحد ما تحدد مجال واحد وليكن الجرافيكس - وجوا الجرافيكس تعمل نفس الموضوع مع الديزاين والموشن وغيره
مثال:
عاوز اتعلم ذكاء اصطناعي بس ايه عوائقه ؟
العوائق: محتاج مهارة عالية في الرياضيات وهي مش عندي
ليه عاوز اتعلم ذكاء اصطناعي ؟
عشان شايفه هو المستقبل
واغلب الناس بتتكلم عنه
هل ليا تجربة ؟ هل حبيت التجربة دي ؟
هل مناسب ليا ولا لا ؟ خصوصا مع العوائق
نروح للجرافيكس
ليه عاوز الجرافيكس ؟
عشان مليان صور ومواد بصرية بحبها وبتحمسني
طب انت بتحب الصور والتحريك عن انك تقعد بالساعات ورا كود مرصوص قدامك ؟ ولا العكس - بتحب الابداع الفني عن الابداع المنطقي ولا العكس ؟
ايه العوائق اللي قدامك؟
هل ليك تجربة ؟ هل حبيت التجربة دي ؟
هل مناسب ليك ولا لا ؟ خصوصا مع العوائق
طب لو ليك كذا اختيار عاوز تجربهم - اعمل تصفيات بحيث تطلع بـ اتنين على الاقل - تلتزم بتجربة واحده في كل واحده فيهم وتشوف انت ميال لإيه وتوكل على الله
