يعني اي json

mos161 منذ سنة

3

يعني اي JSON و اي استخدامتها مع جافا اسكريبت واقدر استفاد بيها ازاي ونا بعمل موقع

3 ردود

• (you5808)

  منذ سنة

  "Json"، اللي هو اختصار لـ "JavaScript Object Notation"، هو ببساطة طريقة منظمة عشان تخزن أو تنقل بيانات بشكل مفهوم وسهل سواء للبشر أو الكمبيوتر. هو بيبقى عبارة عن نص فيه بيانات مكتوبة بطريقة معينة، وده بيسهل عليك التعامل معاها في البرمجة.

  طيب إزاي بيكون شكله؟

  تخيل معايا إنك عندك كذا معلومة عن شخص، زي اسمه، عمره، ووظيفته. تتكتب على هيئة جسون زي كده::

  
  

  {

  "name":"Ahmed",

  "age":25,

  "job":"engineer"

  }

  أضف رداً
• عبدالهادي أشرف (bod2609)

  منذ سنة

  لما تبقى عاوز تخلي برنامجين مكتوبين بلغات برمجة مختلفة يتواصلوا مع بعض وينقلوا البيانات بينهم فأنت بتبقى محتاجة حاجة معيارية standard تمشي عليه البرامج دي، أيام زمان كان التنسيق المعياري دا هو الXML ودا كان عامل زي تاغات الhtml كدا، لكنه دلوقتي معدش مستخدم لإنه بياخد مساحة ع الفاضي كان الواحد يقدر يختصرها ويوفر المساحة دي، فظهر الJSON واللي بيلبي الغرض دا، تنسيق معياري الكل بيستخدمه، مساحته يدوب على قد البيانات المبعوته مع زيادة خفيفة جدا للرموز اللي بتكون مستخدمة في الجيسون عشان يفصلوا كل بيان عن التاني، وسهل الكتابة جدا شوف مثلا دي حاجة مكتوبة مرة بالXML ومرة بالJSON

  بالXML

  <Student>

  <FirstName>Ahmed</FirstName>

  <LastName>Khaled</LastName>

  <Age>18</Age>

  </Student>

  
  

  بالJSON

  "Student": {

  "FristName": "Ahmed",

  "LastName": "Khaled",

  "Age": "18"

  }

  
  

  فهتلاحظ ان تنسيق الJSON أبسط من الXML ومساحته أقل

  أضف رداً
• Eyad Abdelhakim (eyada71170)

  منذ سنة

  لو انت متعلم لغة جافاسكريبت فببساطة الJSON ليه Syntax هو هو نفس ال Syntax بتاع الobject في جافاسكريبت

  لكن الفرق بينه وبين الObject العادي بتاع الجافاسكريبت هو ان الobject العادي انت بتكتبه في الكود نفسه لكن الJSON ممكن يبقى في ملف مخصص لواحده بامتداد .json وده بيساعد في نقل البيانات بين الصفحات أو بين المستخدمين في البرنامج أو حتى بين البرامج وبعضيها

  أضف رداً