اولاً انا مش لاقى قسم مناسب للبوست دة - وبناء علية حطيت الموضوع هنا

كنت عامل حساب linkedin نظراً لانة مطلوب لما بملى اى استمارة شغل - ولكن من كم شهر اتقفل بشكل مفاجئ ولما مشيت مع الخطوات المتاحة علشان ارجعة - لاقيتة طالب منى التحقق من خلال البطاقة الشخصية الحكومية وكمان عايزنى افتح الكاميرا واتصور - فرفضت وحاولت اشوف اى وسائل اخرى لكن للاسف مفيش - قررت انسى الحساب ومستخدمش linkedin بسبب الموضوع دة

بعد فترة لاقيت وظيفة بقدم عليها ومطلوب انى ابعت ال linkedin بتاعى - دخلت عملت حساب جديد وظبط البروفايل - بعد يومين حاولت افتحة لاقيتة اتقفل تانى وطالب منى تحديد الهوية بنفس الطريقة - عايز بطاقة شخصية حكومية - وكمان بيستخدم خدمة من طرف تالت هى اللى بتاخد البيانات دى اسمها persona

طيب انا مش عايز ارفع بياناتى الشخصية الرسمية على الانترنت فى العموم - اعمل اية علشان اشغل الحساب ؟

طبعاً مش هصدق الكلام الوردى اللى بيكتبوة عن حماية بياناتى والخصوصية . اية العمل كدة ؟