انا عايز رأى فى موضوع وظايف ال kotlin فى مصر ومستقبل اللغة دى تحديداً وتقنيتها - واية المواضيع اللى المفروض اركز عليها علشان احصل على وظيفة فيها -

مؤخرا انا درست Kotlin/android - وعندى خلفية كويسة بتقنيات تانية ( flutter , laravel ) وعملت بيهم تطبيقات صغيرة نسبيا - لكن انا عايز اركز على android تحديداً ومستقبلاً اعزز مهارتى مع ال cross platform بنفس اللغة مع KMP و compose - بالاضافة انى عندى خلفية كويسة فى علوم الحاسب خصوصاً على المستوى الالكترونى بسبب مؤهلى الصناعى ( الدبلوم) والتعليم الذاتى على مدار السنوات اللى فاتت

لكن عندى تخوف من ان المجهود دة كلة يضيع بسبب :

1 - ان مؤهلى الرسمى هو دبلوم صناعى الكترونيات وحاسب - واى شركة بتبقى عايزة مؤهل عالى - حالياً انا حليت الموضوع دة وكنت قدمت فى تعليم مدمج فى كلية اداب نشر وحفظ رقمى - والحمدلله فى اخر سنة واخر ترم - فهل الشركات مش هتفرق معاها التخصصات وهيفرق بس انة يكون مؤهل عالى ؟

2- انا عندى 38 سنة - والروتين فى مصر بيخلى الشركات متقبلش حد بعد ال 35 على الاكتر - خصوصاً لو حد لسة بادئ فى مجال - فهل نفس الموضوع فى مجال البرمجة ؟

وهل فية نماذج لناس فى سنى وظروفى قدرو يشتغلوا فى المجال ؟

واية التوجيهات اللى ممكن امشى عليها علشان اتجاوز التحديات دى ؟