المجتمع الأكبر للعرب في مجال التك
Mohannad Rabie(mohan53180)
أنا مهنّد و الNickname بتاعي PotatoHuman و أنا شاب مصري عندي 19 سنة، وبدرس في كلية العلوم قسم علوم الحاسب بس انا واخد سنتين راحة من الكلية حاليا عشان اتفرغ لدراسة التخصص اللي بحبه و اني اكتشف ذاتي. بحب مجال الأمن السيبراني جدًا، وبدأت طريقي فيه بدراسة CompTIA A+ وبعدها دخلت أكتر في الشبكات (CCNA) ولينكس و درست لغات برمجة زي بايثون و c++ بس انا مش قوي اوي في الكود، وخدت شهادات من مؤسسات زي The Linux Foundation وISC² و درست بعض ثغرات الشبكات و ازاي اخترق الشبكات و حاليا بدرس ثغرات المواقع و اختراق تطبيقات الويب و بلغت حوالي 10 ثغرات لحد دلوقتي في تطبيقات الويب. بحاول دايمًا أطور نفسي وأتعلم حاجات جديدة، الفترة دي بحاول اتعلم برمجة كويس عشان حاسس اني مش كويس في البرمجة فبحاول اني اتعلم بشكل صح من كورس البشمهندس مازن Smart Code. هدفي إني أبقى محترف في حماية الأنظمة و المواقع من الهجمات السيبرانية، وأساعد الشركات و المنصات يبقوا أكتر أمانا. وبحب أشارك اللي بتعلمه مع غيري عشان نفيد بعض بالعلم و من باب زكاة العلم نشره.
