البداية

البداية بدأت اصلا بسبب هذا الشخص:

Jensen Huang

مؤسس و ceo NVIDI

هذا الشخص في أوائل ٢٠٢٤ طلع في كل حتة يردد نفس الكلام:

"محدش يتعلم برمجة. البرمجة راحت عليها. الذكاء الاصطناعي هيقوم بهذا الدور. و احنا دورنا هنا - في شركة انفيديا - نخلي الكلام ده يحصل في اسرع وقت"

النتيجة؟

والله هي مش نتيجة واحدة. هي نتايج كتير جدا. بس تعالى نشوف أهمها:

أسهم شركة NVIDIA زادت و القيمة السوقية ليها وصلت ل ٣ ترليوين دولار - في منتصف ٢٠٢٤ -
هي حرفيا دلوقتي أكبر شركة في العالم. القيمة السوقية ليها حاليا ٤ ترليوين دولار
كل شركات التك - اللي ضخت مليارات في الAI - زادت اسهمها بطريقة مرعبة. لو بصيت على ترتيب "أكبر" شركات في العالم. هتلاقيهم تك فقط. و ارامكوا السعودية بقت بعديهم كلهم (ال AI بقى اهم من البترول كاستثمار).
https://companiesmarketcap.com/
شركات كتير جدا بدأت "ترفد" ناس و تقلل عمالة و كله بحجة "ال AI قادر على استبدال البشر في الشغل". و لكن الحقيقة ان ده كله كان ل"توفير" فلوس. عشان التقارير المالية لما تطلع، يقولوا عملنا ارباح بجد. مش الأرباح "الوهمية" اللي لم تتحقق بسبب ال AI.
أنا شخصيا عملت فيديو كامل على اليوتيوب بيشرح الجزئية دي:
https://youtu.be/yUjmK44ZtCw?si=kWNqC09aPRkxk3V9

الحقيقة

الحقيقة طبعا ان ده كلام مش مظبوط. و ان دلوقتي اتأكدنا ان الذكاء الاصطناعي - باستخدام ال llm - ليه ليميت. و ما يقدرش يتعداه.

و يمكن ابسط حد - ليميت - ليه، هو ال context window . و دي في حد ذاتها كفيلة انها تمنعه انه يفهم تعقيدات انظمة السوفتوير بسهولة - او في المطلق اصلا -

نفس الشخص اللي عك الدنيا قبل كدة. جاي دلوقتي يقول:

"انخفاض أسهم شركات البرمجة - الشركات اللي بتعمل برامج صرف، مش بتستثمر بطريقة مباشرة في ال ai - هو غير منطقي تمام"

بجد والله!

اه فعلا، اقرا هنا:

هو باختصار "بيكذب" كل الكلام اللي هو قاله بطريقة غير مباشرة - مع ان حد ممكن يشوفها مباشرة -.

و بيأكد ان ال AI "هيزود" الطلب على البرمجة، مش هيقللها. و ان المستقبل هو بشر و AI شغالين مع بعض - مش استبدال يعني -

طبعا ده ابسط حاجة توريك ان الناس دي - رؤساء اكبر شركات في العالم حاليا - بتتعامل مع الموضوع من وجهة نظر تنافسية بحتة:

مادام المنافس بتاعي عمل A لازم اعمل زيه. لو عمل B لازم اعمل زيه. اي "تأخير" يبقى خسارة
ما ينفعش اطلع اذم في المنتج بتاعي مادام مازال بيبيع…. ابدا!
الناس بتصدق اي حاجة، مادام طلعت اتكلمت ك"فولان" صاحب شركة "كذا" و انا عندي خبرة كذا. يعني من الأخر الأغلبية مش بيحاولوا اصلا يشككوا او يكدبوا في حد معمول ليه "هالة" حواليه من الأول
ارضي المستثمر اولا و اخرا، حتى لو هيجي على حساب مبادئك. لان الموضوع في الاول و الاخر مادي بحت، و ليس "لتغيير العالم لمكان افضل"

النهاية محدش يعرف هي ايه و هتيجي امتى. لكن انت مطلوب منك الأتي:

لا تسمع لكلام محبط و تتأثر. الكلام رخيص، و الوقت غالي.
ما تصدقش خدعة "الذكاء الاصطناعي هيقضي على البرمجة". هو لو كل المجالات المكتبية راحت… فاللي هيتبقى هو البرمجة، عشان هي اللي هتبني برامج تستدبلهم. و لا ال AI ما يقدرش يبني برامج كاملة متكاملة لوحده (قولناها كتير اوي)
- *ملحوظة: بدأوا يستبدلوا الوظائف الغير تقنية: دي شركة لسه مجمعة ٢٧٠ مليون دولار استثمارات، عشان تدخل ال AI في اعمال الحفر و التنقيب
اتعلم برمجة، لانها فعلا الحاجة الوحيدة اللي هتخليك تطلع اكبر استفادة من ال AI. و ايوة الطلب على البرمجيات هيزيد جامد. و ايوة في "عك" كتير جدا دلوقتي بيحصل بسبب ال AI في صناعة البرمجيات، و الحل هيكون "بشر" فاهمين جايين ينضفوا ده.
لازم تفهم الفرق ما بين "الاستثمار" و البناء. وقت الاستثمار، بيتقال اي حاجة عشان يبيعوا. و وقت البناء، ما يقدروش يقولوا غير الحقيقة، و الا البناء يقع.